Autoenplegua: Langile autonomo berrientzako tarifa laua
News
Items, Employment & Entrepreneurship, Entrepreneurship
2023-2025 aldian, Autonomoen Araubidean hasierako alta ematen duten pertsonek kuota murriztua (tarifa laua) aplikatzea eskatu ahal izango dute.
Baldintzak eta bateraezintasunak:
- Azken 2 urteetan edo azken 3 urteetan LAABean (RETA) alta emanda ez egotea, aurretik prestazio hori eskatzen bada.
- Gizarte Segurantzarekin eta Ogasunarekin zorrik ez izatea.
- Autonomo kolaboratzaileak ez izatea.
- Ezin da tarifa laua eta jarduera-aniztasunagatiko hobaria aldi berean eskuratu.
Zenbatekoak eta epeak:
Orokorra:
- 80 euro hilean jardueraren lehen 12 hilabeteetan.
- Kuota murriztua aplikatu ahal izango zaie, halaber, hurrengo hamabi hilabeteetan, beren urteko etekin ekonomiko garbiak urteko lanbide arteko gutxieneko soldata baino txikiagoak izango direla aurreikusten duten norberaren konturako langileei.
- Alta izapidetzeko unean egingo da eskaera.
% 33ko desgaitasuna edo handiagoa duten pertsonak, genero-indarkeriaren biktimak edo terrorismoaren biktimak:
- 80 euro lehenengo 24 hilabeteetan.
- Alta izapidetzeko unean egingo da eskaera.
- Aurreikusitako errendimendu garbia Lanbide arteko Gutxieneko Soldataren berdina edo txikiagoa bada, hurrengo 36 hilabeteetan kuota murriztu hori aplikatzea eskatu ahal izango dute, 160 eurokoa.
